Namenya nte ko nabonye umufasha/umutware unkwiriye?

Bibiliya ntaho ivuga uburyo washakamo uwo mwabana mwiza, kandi nta n’icyo ivuga cyeruye nk’uko twabyifuza kubirebana no gushaka uwo muzashyingiranwa ugukwiriye. Ntabwo Bibiliya iduha urutonde n’uburyo ntakuka uwo tuzabana agomba kuba yujuje. Ikintu kimwe cyo Ijambo ry’Imana ritubwira ni ukwitonda maze tukamenya neza ko tutagiye kubana n’abatizera. 2 Abakorinto 6:14-15, “Ntimwifatanye n’abatizera mudahwanye. Mbese gukiranuka no gukiranirwa byafatanya bite? Cyangwa umucyo n’umwijima byabana bite?”.


Mu gitabo cy’Abakorinto ba mbere 7:39 hatwibutsa ko mu gihe twemerewe gushaka tugomba gushakana n’abana b’Imana yemera, mu yandi magambo, Abakristu. “Umugore ahambirwa ku mugabo we akiriho, ariko iyo umugabo apfuye nta kimubuza gucyurwa n’uwo ashaka, icyakora iyo ari uri mu Mwami wacu.” 1 Abakorinto 7:39. Ariko ikirenze kuri ibyo ni uko Biiliya itatubwira uburyo wamenya ko ugiye gushakana n’umuntu ukwiriye.


Ariko se na none kuki Imana itatubwira ibyo dukwiriye kugenderaho mu gihe turimo dushaka incuti? Kuki tudafite byinshi by’ingenzi byatubera gihamya kuri iki kibazo cy’ingenzi? Ukuri ariko ni uko Bibiliya igaragaza neza Umukristu nyakuri uwo ariwe kandi ikanatwerurira neza  uburyo dukwiriye kwifata  naho ibyo bindi twaba tutabibona.


Abakristu bakwiriye kugira imyemerere imwe ku bibazo by’ingenzi, kandi niba abakristu babiri bemeranyijwe kubana ndetse no kubaha Kristo, icyo gihe baba bujuje ibyangombwa byose ngo bagere ku nstinzi. Mbere ya byose dukwiriye kumenya neza niba koko twiteguye gushaka. Tugomba kugira ubushishozi buhagije tukabasha kureba kure tukamenya neza koko niba twemeye bidashidikanywaho no kubana ubuzima bwacu bwose n’umuntu runaka twahisemo. Tugomba kandi kuzirikana ko kubana bisaba kwitanga ndetse no kutikunda. Mbere yo kubana, abagiye kubana bagomba kubanza kwiga neza akamaro n’inshingano z’umugabo n’umugore (Abefeso 5:22-31; 1 Abakorinto 7:1-16; Abakorosayi 3:18-19; Tito 2:1-5; 1 Petero  3:1-7).


Abagiye kubana bakwiriye kuba barafashe igihe gihagije cyo kumenyana mbere y’uko bemeza kubana kwabo. Bagomba kwitegereza neza uko umwe umwe agenda yitwara imbere y’ikintu runaka mu bihe bitandukanye, uko yitwara imbere y’umuryango we ndetse n’incuti ze, ndetse ukanamenya neza n’abo bagendana. Imico ya muntu ahanini ikunze gusa n’imico yabo bagendana. “Ntimuyobe, kwifatanya n’ababi konona ingeso nziza.” 1 Abakorinto 15:33. Bagomba kandi kwemeranya ku bindi bitandukanye nk’imyitwarire, ubutunzi, indangagaciro, abana, gusenga ndetse no gukora umurimo w’Imana, amasano y’imiryango yombi ndetse n’akazi. Ibyo byose iyo bititondewe bishobora kuzana amakimbirane mu kubana, niyo mpamvu bikwiriye guhabwa agaciro mbere y’uko babana.


Icyanyuma rero abagiye kubana bakwiriye kugana umujyanama mu byerekeye ingo n’umushumba wabo cyangwa undi muntu wese wahuguwe w’itorero. Hano bazabasha kuhigira ibintu byinshi bya ngombwa bizabafasha kubakira ubuzima bwabo ku kwizera muri Kristo, kandi bazanahigira uburyo bakemura utubazo tumwe na tumwe tutajya tubura. Nyuma yibyo byose twabonye, bombi bakwiriye kujya gufata umwanzuro bityo bakemeza kubana, bagakora ubukwe “Wiringire Uwiteka n’umutima wawe wose, we kwishingikiriza ku buhanga bwawe. Uhore umwemera mu migendere yawe yose, na we azajya akuyobora inzira unyuramo.”  Imigani 3:5-6.

Ibitekerezo byanyu   

 
-2 # gusobanuzablessed chantal 2013-03-21 16:27
nifuzaga gusobanuza kukibazo mfite kdi kinkomereye.nku ndana numuhungu udakijijwe gusa twembi turakundana cyane.jyewe ndakijijwe mpora kenshi musengera ngo akizwe ahindukire kuko ndamukunda nifuza ko twakomezanya.si nzi niba ndi mubushake bwimana kuko mfite gahunda idakuka yo kumwerera imbuto no gukora uko nshoboye namusengera ngo azahinduke.none mdifuza inama zanyu nkumukristo niba ntarayo bye cg ntarahubutse. ntegereje inama zanyu murakoze
MUSUBIZE | Report to administrator
 
 
0 # siko mbyumvauwimpaye aime serge 2013-07-30 08:17
yesu ashime mwene da,njyewe uko mbyumva,kumusen gera ni byiza kandi ni inshingana zacu nkabana b'Imana gusengera bene data ngo bakizwe,ariko umuntu kugiti cye ntambaraga afite zo guhindura umuntu ngo amuhe agakiza gusa nemera ko amasengesho yawe Imana itayirengagiza ariko izayasubiza mugihe cyayo.Reka nkubaze,ese ko ijambo ry'IMANA rimbwira ngo ntakinanira Imana mugihe cyashyizweho,ig ihe cyashyizweho cyayo ngo abone agakiza kibaye imyaka makumyabiri imbere (20)wamutegerez a?reka mpinire aha gusa uzabyigeho neza nibiba ngombwa umureke,cyane ko umutima w'umuntu urashukana ugira indwara ntiwizera gukira ,birashoboka ko ubwo bupfura umubonana bwazakurwaho akakwihinduka.
Murakoze!!!!!!!
MUSUBIZE | Report to administrator
 
 
-1 # KubazaMANIRIHO Jean de Die 2013-05-21 07:10
Mubyukuri abantu bashyingiranwa murikigihe abanshi baba bahuje kwemera(kwizera ) ariko ikigaragara ni uko nanone ingo nyinshi zirara zishya, ubwumvikane kubantu bashyingiranwa burarushaho kugenda buba buke, njye nkibaza ese n'iki cyabuze?
MUSUBIZE | Report to administrator
 
 
0 # ShalomINGABIRE Z.Olive 2013-08-14 11:18
Uwiteka Imana Nyiringabo ibahe umugisha k'ubw'uyu murimo ukomeye mukora mutugezaho inyigisho zitandukanye zidufasha gukura mu Mwuka no kurushaho gusa na Kristo.
MUSUBIZE | Report to administrator
 

Tanga igitekerezo cyawe

Turabasaba kudatandukira. Ibitekerezo byanyu bigomba kuba bifite aho bihuriye n'Ijambo ry'Imana.


Security code
Refresh

IBYANDITSWE KURI FACEBOOK YACU:Kanda Like/J'aime

Sponsored

UBUHAMYA

INYIGISHO ISESENGUYE

ITANGIRA RYA GSM

In order to view this object you need Flash Player 9+ support!

Get Adobe Flash player

Powered by RS Web Solutions

In order to view this object you need Flash Player 9+ support!

Get Adobe Flash player

Powered by RS Web Solutions

INYIGISHO (SERIES)

DON'T MISS THIS MOVIE!

Andika Email yawe

Abari ONLINE ubu

We have 34 guests online