Ntabwo Dukandamijwe(Pasitori Chris)

“Nzaguha imfunguzo z’ubwami bwo mu ijuru, kandi icyo uzahambira mu isi kizaba gihambiriwe mu ijuru, n’icyo uzahambura mu isi kizaba gihambuwe mu ijuru”(Matayo 16:19).

Amakuru y’ibiza, iterabwoba n’andi makuba aza, nk’uko bitangazwa mu makuru ya buri munsi, bikwirakwiza umwuka w’umutekano muke no guhangayika mu mitima ya benshi mu mpande zose z’isi. Ariko nk’umuntu wizera, aho kugotwa n’ubwoba wiringiye ko wenda ibintu bizahinduka, ukwiye kumenya kandi ukanakorera mu rwego rwawe rw’ubutware muri Kristo, “hejuru y’ubutware bwose n’ubushobozi bwose, n’imbaraga zose n’ubwami bwose, n’izina ryose rivugwa…” (Abefeso 1:21).


Imana yaduhaye ubutware bwinshi, ariko tugomba kugera mu rwego rwo kumenya no gusobanukirwa Ijambo. Tugomba kwiga uko dukwiye gukoresha ubutware bwacu muri Kristo maze tugateza impinduka mu Izina rye. Ntabwo twihebye cyangwa ngo tube dukandamijwe. Umwami Yesu yaratubwiye muri Matayo 18:19-20, ati: “… Ababiri muri mwe nibahuza umutima mu isi wo kugira icyo basaba cyose, bazagikorerwa na Data wo mu ijuru. Kuko aho babiri cyangwa batatu bateraniye mu izina ryanjye, nanjye mba ndi hagati yabo.”


Kuvuga “babiri cyangwa batatu” yatwerekaga ko n’iyo ryaba ikoraniro rito, aho abantu babiri cyangwa batatu bateraniye, bashobora guhuza maze bagahindura icyo ari cyo cyose! Ntabwo yavuze ko bagomba kugira ukwizera guhagije; ahubwo igisabwa ni uko bahura maze bakemeranya ku mpinduka bashaka. Tuvugira Yesu hano mu isi; niyo mpamvu tutagomba guceceka. Niba hari ibintu bibi tudashaka, dushobora kubihindura. Hari imbaraga zikomeye mu Itorero, ariko ntitwabona uko imbaraga dufite zikomeye dukomeje guceceka. Kugira ngo izo mbaraga zigire umumaro, tugomba gufungura iminwa yacu tukavuga kandi tukanasenga, twatura ibyo dushaka kubona mu isi yacu.


Isengesho Data mwiza, ndagushimira ku bw’ubutware wahaye Itorero rya Yesu Kristo. Ndasengera Abakristo aho bari hose ku isi, kugira ngo binyuze mu Ijambo ryawe tuzagere kuri rwa rwego rw’ubumenyi, aho mu gushira amanga tuzategeka bijyanye n’ubutware waduhaye maze tugahindura ingorane twacagamo byose bikatubera byiza, mu Izina rya Yesu. Amen.

Gucengera Ijambo

Matayo 16:18

Yesaya 9:7

 

 

Tanga igitekerezo cyawe

Turabasaba kudatandukira. Ibitekerezo byanyu bigomba kuba bifite aho bihuriye n'Ijambo ry'Imana.


Security code
Refresh

IBYANDITSWE KURI FACEBOOK YACU:Kanda Like/J'aime

Sponsored

UBUHAMYA

INYIGISHO ISESENGUYE

ITANGIRA RYA GSM

In order to view this object you need Flash Player 9+ support!

Get Adobe Flash player

Powered by RS Web Solutions

In order to view this object you need Flash Player 9+ support!

Get Adobe Flash player

Powered by RS Web Solutions

INYIGISHO (SERIES)

DON'T MISS THIS MOVIE!

Andika Email yawe

Abari ONLINE ubu

We have 58 guests online