Ku cyaremwe gishya muri Kristo, nta kintu na kimwe kidashoboka. Ushobora guhindura ikintu icyo ari cyo cyose mu buzima bwawe n’ibikuzengurutse ngo bikubere byiza. Hariho abatekereza ko bidashoboka kubaho ubuzima bw’ubutsinzi, utegeka kandi unesha buri munsi mu buzima; nyamara ubwo ni bwo buzima Yesu yatuzaniye.

Niba inararibonye yawe y’ubuzima idahuye n’ibyo Ijambo ry’Imana rivuga, ushobora kwiremera impinduka. Ikintu cya mbere ugomba gukora ni ukwitekereza ubayeho mu kuri kw’ibyo Ijambo rikuvugaho. Tekereza urwego rw’ugutunganirwa n’intsinzi ushaka kugeraho maze wibone ari rwo ukoreramo. Ibigukikije nibisa n’aho bihabanye n’ibyo ubonesha amaso yawe y’umwuka, uhatire ubwenge bwawe gutumbera ishusho nyayo maze wature Ijambo ry’Imana kuri wowe no kuri ibyo unyuramo.

Ugire icyizere mu Ijambo kandi ugire gushira amanga yo kurota ibihambaye. Ugire ishusho y’uburyo wifuza ko ubuzima bwawe bumera: akazi kawe, ubucuruzi bwawe, aho utuye, uko ugenda, uko wambara, uko uvuga; ibijyanye n’ubuzima bwawe byose! Gira ishusho ihebuje ya buri kimwe muri byo kandi ubyature ubirema! Wakwibaza uti “Ese byoroshye gutyo?” Yego rwose; ushobora kurema ubwoko bw’ubuzima wifuza kubaho binyuze mu mbaraga z’Imana ziba mu gutekereza zabikijwe muri wowe.

Muri kimwe mu biterane by’amakesha byacu byitwa “Ijoro ry’Umunezero” twagiriye mu Bwongereza, Umushumba Chris yigishije ku “Mbaraga Z’Ibitekerezo”; ni ubutumwa bwiza! Ushobora kugura ubwo butumwa kuri www.christembassyonlinestore.org; buzagufasha kurushaho gusobanukirwa uko warema ubuzima bw’ubutsinzi no kunyurwa ku bwawe ndetse no ku bandi binyuze mu Ijambo.

Isengesho Data Nyir’umugisha, ndagushima ko Ijambo ryawe ari itabaza ku birenge byanjye rikaba umucyo mu nzira yanjye. Nanze kugira ubwoba no guhangayikishwa n’ibyo nyuramo kuko nkoresheje Ijambo ryawe mu kanwa kanjye, nshobora guhindura ibibi nyuramo nkiremera ubuzima bwiza bw’ubwiza, intsinzi no  kunyurwa muri Kristo Yesu. Amen.

Gucengera Ijambo

Yosuwa 1:8

Mariko 11:23