Mumere nk’impinja zivutse vuba, mwifuze amata y’umwuka adafunguye, kugira ngo abakuze (1 Petero 2:2)

Benshi muri iki gihe bashyira imbaraga nyine mu kwita ku mibiri yabo. Bagafata rejime z’ubwoko bwose kugira ngo babashe kunguka cyangwa kugabanuka ibiro, ngo base neza. N’ubwo ibyo byemewe kandi ari byiza, icyagombye kwitabwaho cyane kurushaho ni ukwita ku mwuka wawe; ukawugaburira indyo nziza y’umwuka.

Umukristo wese akeneweho gukura mu mwuka kandi ibi bishoboka gusa iyo wishyize kuri rejime y’Ijambo. Ijambo ry’Imana niryo ryonyine ribasha kuguha igaburo rikenewe ngo ubeho ubuzima bwuzuye, buzira umuze, burimo imbaraga n’ubutsinzi. Mu Befeso 4:15 haratubwiriza ngo “…dukurire muri we muri byose. Uwo ni we mutwe, ari wo Kristo.” Nta kundi wakurira muri we, keretse binyuze mu Ijambo. Reka inyota ufitiye Ijambo irenge ibisanzwe; Gira inzara y’Ijambo unarihozeho umutima ku buryo bigutera guhozaho mu kuryiga.

Ubutsinzi bw’Umukristo bunyura mu Ijambo. Umuntu wese usuzugura cyangwa wirengagiza Ijambo ry’Imana aba nta ngabo afite imukingira ikibi. Ubushobozi bwawe bwo guhangana n’ikibi ukaguma uhagaze kandi ufite ubutsinzi ku munsi mubi ubukura mu mbaraga z’Ijambo ry’Imana. Mu kumenya ibyo rero, fata ukomeje ibihe byawe byo kwiga Ijambo. Ntukigera ureka umunsi urenga utize Ibyanditswe. Ujye ukoresha agatabo kawe k’Urusobe rw’Ibiriho. Ushyire Ijambo ry’Imana muri telefone yawe igendanwa; urebe kandi wumve ubutumwa bwo kwizera n’inzara nyinshi, n’aho waba uri mu nzira ugenda.

1 Petero 2:2 haravuga hati “Mumere nk’impinja zivutse vuba, mwifuze amata y’umwuka adafunguye, kugira ngo abakuze”; ibyo ni ukuvuga ngo wishyire kuri rejime y’Ijambo. Wifuze kandi ushake Ijambo kurusha n’ibyo kurya byawe bindi bikenewe (Yobu 23:12); Ibyanditswe ubizirikaneho amanywa n’ijoro (Zaburi 1:2)! Ibyo ubikore, uzabona gukora kw’imbaraga z’Imana mu buzima bwawe kandi umwuka wawe uzahagarara ushikamye mu bintu by’Imana.

Isengesho Data mwiza, Ijambo ryawe ni ubuzima kuri jye; ni umucyo unyereka inzira yanjye mu bukiranutsi, mu butsinzi n’ubutware. Uko nitangira Ijambo, mbona imbaraga zaryo zitajegajega kandi zihindura ibintu mu buzima bwanjye none, mu Izina rya Yesu. Amen.

Gucengera Ijambo

Abakolosayi 3:16

Imigani 4:20-22