“Ni cyo gitumye mbabwira nti: Ibyo musaba byose mubishyizeho umutima mwizere yuko mubihawe kandi muzabibona” (Mariko 11:24)

Witegereze neza amagambo y’Umwami Yesu muri uwo murongo; Yaragize ati ibyo muzakenera byose, iyo musenze, mwizere ko mubyakiriye kandi muzabibona. Mu yandi magambo, igihe usenze nibwo ugomba kwizera, ukakira maze ukabona ibyo usabye. Ibi bisobanuye ko iyo ukeneye impinduka cyangwa igitangaza mu rwego urwo ari rwo rwose rw’ubuzima bwawe none, iyo mpinduka cyangwa icyo gitangaza gishobora kuboneka aka kanya; muri make ni wowe ubigena.

Abantu bamwe bizera ko Imana ari yo ihitamo igihe ifasha cyangwa ihera umugisha uko ibishaka, ariko ibyo si ukuri. Yarangije gukora ibikenewe byose kugirango ubeho ubuzima bwiza kandi bufite byose, imaze kuguha ibintu byose bijyanye n’ubuzima n’ubumana (2 Petero 1:3). Ibyo ugomba gukora ubu ni ugukoresha ijambo ngo wubake ubuzima  bwawe maze wihangira ejo hazaza hawe.

Reka turebe rimwe mu yandi mabanga y’impinduka zitewe n’Ijambo ry’Imana. Umunsi umwe, Umwami Yesu yaciye umugami maze intumwa ze zimubaza impamvu avugira mu migani. Umwami yarashubije ati: “…Kuko umutima w’ubu bwoko ufite ibinure…ngo igihe cyose batarebesha amaso, batumvisha amatwi, batamenyesha umutima, bagahindukira ngo mbakize” (Matayo 13:15). Ndagirango witegereze ijambo “igihe cyose”. Icyo ibi bivuze ni uko igihe cyose witegereje ijambo ukoresheje amaso y’umwuka, ukaritega amatwi kandi ukarisobanukirwa mu mutima wawe, wowe cyangwa ikibazo cyawe muzahinduka. Mu yandi magambo hazabaho impinduka.

Ese iyi mpinduka iboneka ite? Bibiliya iragira iti ”Amategeko y’Uwiteka atungana rwose asubiza intege mu bugingo…”(Zaburi 19:7). Ijambo ry’Imana niryo rihindura; iyaba watekereza ku Ijambo nta na kimwe cyabuza impinduka ukeneye kubaho! Ijambo rizatuma umuntu ukennye aba umukire, ritera gukira indwara rikanaha ubuzima abarwaye, ribyutsa umunezero mu mutima w’uwacitse intege. Guma ku Ijambo, naryo rizahindura ikibazo cyawe.

Gucengera Ijambo

Abaheburayo 4:12

2 Abakorinto 3:18