Atumenyesha akamaro ko kugumana umutima unezerewe, Nehemiya 8:10 aravuga ati “…kwishimana Uwiteka ari zo ntege zanyu.” Umunezero wawe, nk’uMukristo, ugomba kuba udashingiye kubyo ubona. Umunezero nyakuri ni uw’umwuka. Ubuzima bwawe bugomba kuba umucyo kandi bwuzuye ubwiza utitaye ku byo wiyumvamo cyangwa ibyo unyuramo. Anga kuyoborwa n’ibyo ubona. Emera uwo uri we muri Kristo, n’icyo Imana yakoze muri wowe, no ku bwawe, kuko icyo nicyo kizatuma ubaho ubuzima bw’amashimwe n’umunezero.

Zaburi 149:5 iravuga ngo “Abakunzi be bishimire icyubahiro abahaye, baririmbishwe n’ibyishimo, baririmbire ku mariri yabo.” Mbega inama! Kuki Umwuka utubwira kunezererwa mu bwiza, no kuririmba n’amajwi aranguruye ku mariri yacu? Ni ukubera imigisha itangaje n’ubuntu buhambaye Umwami yadusakajeho. Ha Imana kuramya n’amashimwe uyu munsi byo kugaragaza umunezero kubera ibyo yagukoreye.

Ibitangaza bikoreka iyo uramya Umwami mu munezero. Igihe umwami Yehozafati yarwanyaga ingabo zikomeye, Uwiteka yamusabye gushyira abaririmbyi imbere y’ingabo, ngo bahimbaze Izina Rye. Bibiliya iratubwira iti “Batangiye kuririmba no guhimbaza, Uwiteka ashyiraho abo gucira igico Abamoni n’Abamowabu, n’abo ku musozi Seyiri bari bateye I Buyuda, baraneshwa ” (2 Ngoma 20:22). Igihe cyose werekanye umunezero, ubutsinzi buba ari ubwawe kandi umwanzi aramwara.

Amayeri umwanzi akoresha ni ukubanza kugutwara umunezero wawe, kuko arabizi ko nabishobora azaba afite akarusho. Iyi ni yo mpamvu mu bigeragezo, tugirwa inama ngo “Mujye mwishimira mu Mwami wacu iminsi yose. Yewe, nongeye kubivuga nti, mwishime!” (Abafilipi 4:4). Komeza unezerwe; guma mu munezero: kuko umunezero w’Uwiteka nizo mbaraga zawe.

Kwatura Nejejwe n’ibyo Uwiteka yakoze mu buzima bwanjye! Nuzuye amashimwe kuko Yangize usangizwa umurage w’abera mu mucyo, yampaye umugisha wose w’umwuka w’ahantu ho mu ijuru muri Kristo. Amen.

Gucengera Ijambo

Zaburi 95:1-2

Zaburi 98:4