Wari uzi ko umuntu ashobora kwizera ko Yesu yapfuye akazuka mu bapfuye ku bwo gutsindishirizwa kwe, ariko akazarimbuka? Ibyo ni ukubera ko kwizera gusa ko Yapfuye akazuka bidahagije kumuha agakiza. N’abadayimoni barizera bagahinda imishyitsi (Yakobo 2:19), ariko ibyo ntibivuga ko bakijijwe. Hari ibindi bisabwa birenze ku kwizera kugira ngo wakire agakiza. Ugomba kwatura Ubwami bwa Yesu ku buzima bwawe kugira ngo ukizwe! Ijambo “kwatura” ni ikigereki “Homologia” rivuga gutangaza ku mugaragaro uvuga ibyo wizera kandi wemera. Igihe watura, uba wamamaza ibyo Imana yakuvuzeho mu Ijambo ryayo. Abaroma 10:9-10 haravuga ngo “..niwatuza akanwa kawe yuko Yesu ari Umwami, ukizera mu mutima wawe yuko Imana yamuzuye uzakizwa, kuko umutima ariwo umuntu yizeza akabarwaho gukiranuka, kandi akanwa akaba ariko yatuza agakizwa.” Mu yandi magambo, igihe Ijambo ry’Imana rikujeho, ukizera, umutima wawe ujya ahakwiye n’Imana. Ariko rero, kwatura ko Yesu ari Umwami w’ubuzima bwawe nibyo bikwinjiza mu gakiza. Iki ni igihe usobanukirwa ko Yesu Kristo ari Umwami w’ubuzima bwawe kandi uri uwe. Kwatura kandi ntibirangirana no kwakira agakiza k’ibyaha gusa, kuko agakiza ari ijambo rikubiyemo byose. Bijyana no kurindwa kwawe, gutera imbere, amahoro, ubuzima buzira umuze, ubutsinzi, gutunganirwa n’ibindi byiza byose urupfu, guhambwa, no kuzaka kwa Yesu Kristo byatuzaniye. Na ndetse, Ubukristu ubwabwo bwitwa “ukwatura gukomeye.” Ni ubuzima ubona icyo uvuze. Ugomba kuba UMukristo uvuga. Ugomba kwatura Ijambo ry’Imana kandi ukaribona risohora mu buzima bwawe, mu kazi, mu muryango ndetse no mu mutungo wawe. Umwami Yesu yabivuzeho muri Mariko 11:23 ubwo yavugaga ati “…azabona icyo yavuze.” Rero atura Ijambo ry’Imana rijyanye n’ibikureba byose uyu munsi, kandi Ijambo rizatanga umusaruro ushaka mu buzima bwawe! Isengesho Data Mwiza, ndagushima kubw’ umusaruro utangaje w’agakiza nezererwa uyu munsi n’iteka ryose ubwo nkomeza kwatura Ijambo ryawe mu buzima bwanjye. Ndatera imbere mu muryango wanjye, ubuzima, akazi, ndetse n’ubutunzi bwanjye mu Izina rya Yesu. Amen. Gucengera Ijambo Abaroma 10:9
Amagambo yawe ni yo azagutsindishiriza, kandi n’amagambo yawe niyo azagutsindisha (Matayo 12:37).
